ဒဂုန်တာရာ ကဗျာများ

မတ်လတော်လှန်ရေး

မိုးကုပ်ကုပ်ဝယ်

အို-ရုတ်တရက် ၊ မျဉ်းဖြူစက်ရ်ျ
ကွဲအက်ကြောင်းရာ ၊ ဟ ဟ လာပြီး
မိုးပြာကိုဖြတ် ၊ပတမြားရည်
စီးလည်အဟုန် ၊နီ မြန်းကုန်သည်
အရုဏ်ပေါ်စ ၀ိုးတ၀ါး ။

မှုန်မွှားမွှားလျှင်
ဝိုးဝါးတိတ်ဆိတ် ၊ ကြယ်ရောင်ရိပ်ဝယ်
မြစ်ဆိပ်နှင့်လည်း ၊ မနီးမဝေး
ချောင်းရိုးဘေးမှ ၊ ဖြေးဖြေးညင်းညင်း
လှေတစင်းထက် ၊ တောတွင်းသားပျို
ဖျဉ်လက်တိုနှင့် ၊ ကိုယ်ကိုဝပ်ရ်ျ
စိုက်စိုက်ရှေ့သည်၊ ခြောက်သွေ့မြက်ထုံး
ကောက်ရိုးဖုံးလျက် ၊ ကွယ်ပုန်းဝှက်လာ
ယူကာ လက်ထောက် ၊ အလျားမှောက်သည်
လှေအောက်ဝမ်းမှ စက်သေနတ် ။

အမှောင်ရိပ်ဝယ်
မှေးမှိတ်ငြိမ်သက် ၊ ချောင်းကွေ့ထက်တွင်
အုပ်ယှက်ထွေးရော ၊ သင်ပေါင်းတောဧ။်
နောက်ကျောစေးပျစ် ၊ သောင်ရေစစ်မှ
ဖက်စစ်ကင်းစောင့် စစ်စခန်း ။

ချောင်းကိုကွေ့သော် ၊
တွေ့လျှင်တွေ့ချင်း ၊ မြေငူရင်းသို့
ချဉ်းကပ်လှော်ကာ ၊ နီးရ်ျ လာလျှင်
အသာရုတ်ချင်း ၊ တိတ်ဆိတ်မင်းကို
ဖြိုခွင်းပြင်းထန် ၊ သေနတ်သံသည်
မြစ်ယံပဲ့တင် ထပ်သတည်း ။

ငွေလရောင်လျှင်
အမှောင်ညရိပ် ၊ သေးသေးစိတ်သား
မိုးထိပ် တိမ်မော် ၊ငြိမ့်ငြိမ့်ပေါ်သည်
သော်တာပြုံးလဲ့ ၊ ငုံ့ကာကြည့်ရှင့်
ထွန်းသည့် ညဥ့်ခါ ၊ ထိန်ထိန်သာသော်
ကျယ်စွာ ၀န်းလျား ၊ လယ်ကွင်းနားမှ
တောဖျား ညို့အုပ် ၊ မှိတ်တုတ်တုတ်လျှင်
ယိမ်းလှုပ်ပြကာ ၊ မီးအိမ်ဝါနှင့်
အာကာပြာမှိုင်း ၊ တွဲတွဲဆိုင်းရ်ျ
ဖြူဝိုင်းစက်စက် ၊ ဆင်းလာသက်မှ
လက်လက်ရောင်ထင် ၊ ကျသွင်သွင်သည်
လေယာဉ်ပေါ်မှ စစ်ရိပ်ကာ ။

ရွာတစ်ရွာကား ၊
မှိုင်းပြာမဲညို့ ၊ မီးရှို့လောင်ကျွမ်း
တင်းဝင်ရမ်းကြောင့် ၊ ပရမ်းပတာ
ထွက်ပြေးရရှာ ၊ လဟာသွေ့သွေ့
ခိုးငွေ့ဝေေ၀ ၊ မီးလောင်မြေမှာ
ွနွမ်းခွေပျောင်းယဲ့ ၊ ညင်းလေဖွဲ့က
သဲ့သဲ့ ခွေးဟောင်သံ တကား ။

ခရေပွင့်လျှင် ၊
ကြွေရင့်ဝါ၀ါ ၊မြေထက်မှာလျှင်
ရောကာပေါင်းယှက် ဟောင်းသစ်ရွက်နှင့်
တ၀က်မောင်းနီ ၊ ဝေ့လည်လည်ကို
လေချီသုတ်ဖြူး ၊ နီဝါကူးသည်
နွေဦးပေါက်မို့ ရော်၇ွက်ကြွေ။

ရင့်ကြွေ ညောင်းသည်
ရွက်ဟောင်း စွန့်ပစ် ၊ ဘ၀သစ်သို့
သနစ်ပြောင်းမည် ၊ ဖူးသစ်မီသည်
အနီထဲမှ ကြယ်ဖြူပွင့် ။
                        
ဒဂုန်တာရာ(၁၉၄၇ခုနှစ်)
Credit - ခေတ်ကျန်ကဗျာများဆိုဒ်မှ ကူးယူမျှဝေပါသည်

ဒဂုန်တာရာ ကဗျာများ

သီချင်းရှင်....... 

တရွက်ကြွေ တရွက်လဲပြန်ပေါ့

ရောင်မွဲ ရွှေရည်ဥကာမှ
စိမ်းနုတွင် စိုစိုသစ်ပါကလား
စိတ်ညစ် အကုန်ပယ်၍
သီတော့မယ်နွေအစောမှာ
ရွှေဥသြ ချိုတေးသံ။

ရွှေဂူမှာ ငွေတူမွမ်းတဲ့ပြင်
စိမ့်စမ်းကြည် ရေကတွက်ရယ်နဲ့
လွမ်းဆွတ်ဘွယ်သည်ဂနိုင်ပ
လှမြိုင်မြိုင် သာဟာစမ်းကိုဖြင့်
ပြိုးပြွမ်းကာ အာရုံဝင်မှ
နွဲ့ရွင်ရွင် ဘိုးခေါင်ညဉ်းတယ်
သီချင်းကြီး သီချင်းခံ။
သည်ဘိုးခေါင် သည်ဥသြရယ်က
အပြောချိုသံလွင်ဟု
ကဗျာရှင် စာယဉ်ဖွဲ့ရှာကြ
နွဲ့ရရဲ့ နုသဟန်
တေးသံရင့်သီကုံး။
မောင်ဒါရှု
အသက် ချစ်ရည်တူနဲ့
လိုဏ်ဂူမှာပြိုင်တူပန်တဲ့
မေ့အသံညက်ညက်အေးကိုမှ
တေးအမှန်သီချင်းစစ်ပေဘဲ
အချစ်စေတနာက
သာယာအောင် ချော့မြူဆောင်တော့
ဘိုးခေါင်ဟာ ဘယ်လိုပြောသော်လည်း
ဥသြ ရင့်တကြူထက်
ခင်နွဲ့မူ အသံကြားခါမှ
မောင့်နားမှာ လဲ့လဲ့ရွှန်းတယ်
ကွန်းလွတ်ခေါင်ဆုံး။

ဒဂုန်တာရာ 

ဒဂုန်မဂ္ဂဇင်း ၊၁၉၃၈
Credit - ခေတ်ကျန်ကဗျာများဆိုဒ်မှ ကူးယူမျှဝေပါသည်

ဒဂုန်တာရာ ကဗျာများ

တမိုးရေထဲလမ်းလျှောက်ခြင်း ……

မိုးရေထဲဘဲ

မသဲမကွဲ၊သို့သော်ရဲရဲ
မခွဲနိုင်ဘူး၊ သွားကြဦးစို့
ပြေးလူးတဘက်၊ညွက်ကွေးပက်၍
လက်လက်လွန့်လိပ်၊ပုလဲမြိတ်တို့
ရိပ်ရိပ်ပြေးလိုက်၊ဝေ့တိုးရိုက်သည်
မှောင်မိုက်ထဲမှ ၀ိုးတ၀ါး။

အမှောင်ထက်မှ
လက်ကနဲရှက်၊လျှပ်တပြက်မှာ
သစ်ခက်ရှုံ့,ထစ်၊ကုက္ကိုမြစ်မူ
အဆစ်ခေါင်းပြတ်၊ဒေါင့်မှာညပ်သည်
တွယ်ကပ်မျောညိ၊မြင်မိမိကား
ရေညှိမှိုပွင့်ကလေးပင်။
တိုက်ကြိုတိုက်ကြား
မနားခိုဘူး၊ခြေဦးတည့်ရာ
ရေမှာဒလဟော၊မျောသွားပစေ
မိုးရေလှိုင်းကြား၊ကွဲမသွားအောင်
အပါးတိုးဖက်၊မိုးပက်သည့်ထဲ
မြဲမြဲလက်ကို ကိုင်ထားငဲ့။
လမ်းဆုံးမှာသာ
ရှိုက်ကာစိုးရွံ့၊ပခုံးတွန့်မိ
မြူးကွန့်လျှပ်ပြက်၊မှောင်တ၀က်မှာ
ဟိုဘက်ကမ်းပါး၊ရောက်သွားပစေ
မိုးသက်လေပက်၊အေးစက်စက်မှာ
မောင့်လက်နွှေးက၊နွေးလိမ့်မည်။
ဒဂုန်တာရာ
တာရာမဂ္ဂဇင်း၊၁၉၄၉
Credit - ခေတ်ကျန်ကဗျာများဆိုဒ်မှ ကူးယူမျှဝေပါသည်

ရှင်မဟာသီလ၀ံသ(ပါရမီခန်းပျို့)များ

ကာလရှည်လျား

ကာလရှည်လျား၊ 

လူ့ငနွားတို့၊ 

ကြီးမားယုတ်မာ၊ 

နတ်မိစ္ဆာကို၊ 

ဘိုးလာဘွားဘက်၊ 

မြေးသားဆက်၍၊ 


မပျက်ခုတိုင်၊ 

နတ်ခရိုင်နှင့်၊

ပန်းခိုင်ရေအိုး၊ 

ဆယ်စုံဖြိုး၍၊ 

မြတ်နိုးနှစ်သက်၊ 

အနက်အနီ၊ 

အတီခေါင်းပေါင်း၊ 


တင်အုပ်ဆောင်းနှင့်၊ 

အပေါင်းစုံဝေး၊ 

အမွှေးအကြိုင်၊ 

မုံ့ဆိုင်မုံ့ခဲ၊ 

ကြက်ဝက်လဲ၍၊ 

ပုံနှဲခရာ၊ 

တီးမှုတ်ကာနှင့်၊ 


ချမ်းသာဆင်းရဲ၊ 

ပေးစမြဲဟု၊ 

စိတ်ထဲထင်မှတ်၊ 

ငနတ်တို့ကို၊ 

မပြတ်ကိုးကွယ်၊ 

အန္တရာယ်လည်း၊ 


ကိုယ်ဝယ်လွတ်ကင်း၊ 

မရှိမလျှင်း၊ 

ဆောင်နှင်းမင်္ဂလာ၊ 

လှူဒါပုည၊

ပြုကာလလည်း၊ 

မိဘရှေ့မှတ်၊ 


ငါတို့နတ်ကို၊ 

ပေးအပ်အပ်လျှင်၊ 

ပွဲလမ်းပြင်၍၊ 

အရှင်မှတ်မှတ်၊ 

ကိုယ်ဝယ်ကြပ်လျက်၊ 

မပြတ်ထင်ရှား၊ 


မမေ့မှားဟု၊ 

ဆုများရွယ်ရွယ်၊ 

ရှက်စဘွယ်နှင့်၊ 

ဘယ်ဝယ်တခါ၊ 

ကိုယ်တိုင်လာ၍၊ ဥစ္စာထင်ရှား၊ 


ဘယ်သူအားကို၊ 

နတ်များပို့လာ၊ 

ရှိဘူးပါအံ့၊ 

မိစ္ဆာစွဲမှတ်၊ 

ဘယ်အရပ်မှာ၊ 

နတ်တို့နေရာ၊ 

အိမ်ခမ်းဝါနှင့်၊ 


သာယာခမ်းနား၊ 

နတ်မယားနှင့်၊ 

နတ်သားနတ်လင်၊ 

ကြည့်မမြင်တည့်၊ 

ငြိုငြင်စိတ်စွဲ၊ 

အံသွားခဲ၍၊ 


ညှဉ်းဆဲနှိပ်စက်၊ 

နတ်တို့လက်နှင့်၊ 

ထုတ်လျက်ဆွဲငင်၊ 

ပြုကြအင်ကို၊ 

မမြင်ဘူးပါ၊ 

သည်အရာကို၊ မိစ္ဆာမောဟ၊ 


အယူခွ၍၊ 

နတ်များသခင်၊ 

နတ်ဘုရင်ဟု၊ 

နတ်တွင်အကြီး၊ 

ငါ့သမီးကို၊ 

ဘမ်းဆီးတတ်ငြား၊ 

ငါ့မယားကို၊ 


ဘမ်းစားတတ်ခြေ၊ 

ချမ်းသာစေဟု၊ 

ကချေပွဲလမ်း၊ 

အခမ်းအနား၊ 

နတ်ထိန်းများနှင့်၊ 

သောက်စားဟစ်အော်၊ 


တကျော်ကျော်နှင့်၊ 

မောင်တော်ရှင်ချစ်၊ 

နတ်သံပစ်၍၊ 

မူးရစ်မှိုင်းဝေ၊ 

အထွေထွေလျှင်၊ 

လူ့မြေရပ်ရွာ၊ 


နတ်မိစ္ဆာကို၊ 

ကယ်သာထင်မှတ်၊ 

သဘောကပ်၍၊ 

နတ်လူဗြဟ္မာ၊ 

သတ္တ၀ါကို၊ 

ကံသာအရင်း၊ 

ပြုဘန်ဆင်းဟု၊ 


ယူလျှင်းအပ်စွာ၊ 

ယခုမှာကား၊ 

ချမ်းသာဆင်းရဲ၊ 

နတ်ခပဲသည်၊ 

ပေးမြဲတို့မှာ၊ 

ထင်မှတ်ရာသည်၊ 
မိစ္ဆာယူမိယူမှားတည်း။       ။

                                                                                      

ရှင်မဟာသီလ၀ံသ(သံဝေဂခန်းပျို့)

(၁၅၅၃-၁၆၁၈၀) 

မြကန်သာ ကဗျာစာအုပ်မှ

Credit - ခေတ်ကျန်ကဗျာများဆိုဒ်မှ ကူးယူမျှဝေပါသည်

ရှင်မဟာသီလ၀ံသ(ပါရမီခန်းပျို့)

စက်ဝဋ်ချမ်းသာ

စက်ဝဋ်ချမ်းသာ၊ 

ဘေးဖြစ်စာကို၊ 

နည်းနာစေ့ရေ၊ 

ကြံဦးချေမူ၊ 

သည်းချေနောက်မူး၊ 

ယောင်္ကျားရူးသည်၊ 

မဆူးမရား၊ 


လံပါးချေးအိုး၊ 

ရေဟုချိုး၏၊ ပုပ်သိုးမစင်၊ 

ဘင်တီးပြင်ကို၊ 

ဖိရင်နံတောင်း၊ 

လိမ်းကျံရှောင်းလျက်၊ 

အကောင်းအတူ၊ 

နံ့သာမူ၍၊ ရှူရှူရဲရဲ၊

မီးခဲတမူ၊ ချက်စူမျက်ကောင်း၊ 

နားတောင်းနှင်းနိုး၊ 

မြွေဆိပ်ချိုးကို၊ 

ခါးကြိုးဆောက်လုံး၊ 

ပန်းကုံးစတေ၊ 

ဤအခွေဟု၊ 

သွပ်နေမူဆိုး၊ 


တင့်စနိုးလျက်၊ 

အကျိုးမဖြစ်၊ 

ဆင်းရဲနစ်၍၊ 

အပြစ်သာမျှ၊ 

အဆင်းစသည်၊ 

ပဉ္စကာမာ၊ 

ဤခြင်းရာကား၊ 

တန်းဆာဆင်ရုပ်၊ 

သူရူးနုပ်နှင့်၊ 


စက်ဆုပ်ဘေးဒဏ်၊ 

ဖြစ်ကြဟန်လျှင်၊ 

တသွန်ခင်းကျင်း၊ 

ဆိုနှုန်းထွင်းလျက်၊ 

အချင်းအတ၊ 

နည်းနာချ၍၊ 

ဝဋ်မှကွာမှု၊ 

ဤသို့ရှုလျက်၊ 


တခုကိုယ်ရှောင်၊ 

လွတ်လွယ်အောင်ကို

အမောင်ကြံရေးယူလေဿ။  ။

                                                                                                

ရှင်မဟာသီလ၀ံသ(ပါရမီခန်းပျို့) 

မြကန်သာ ကဗျာစာအုပ်မှ

Credit - ခေတ်ကျန်ကဗျာများဆိုဒ်မှ ကူးယူမျှဝေပါသည်

စလေဦးပုည၏ လေးမောင့်စံကျောင်းကဗျာ

လေးမောင့်စံကျောင်း 


မုလေးရုံတောအစ
ဒေါနလမ်း မြေညီ
လျှောကျစမ်း ရေသင်းကြည်တယ်
ရွှေနှင်းဆီကန်ချောင်း
လွမ်းမတတ် စကားဝါငူမှာ
နံ့သာဖြူ လေးမောင့်စံကျောင်း။

စပယ်ချပ် သရဖီချောင်မှာ
ခွာညိုတောင် ခိုအောင်း
မွှေးနံ့သာစုပေါင်းလို့
နုညောင်စောင်းထက်မှာ
ပဒုမ္မာကြာသင်္ကန်းငယ်နှင့်
ခါဆင်မြန်း တောမွေ့ပျော်ရာ။

ပန်းသော်က တံတိုင်းကာသည်
ဇီဇဝါ မုခ် ခြားလို့
တံခါးက ချယားကြိုင်
သင်းတဲ့ ဂနိုင်
ယုဇန မဟာမြိုင်မှာ
ကမ္ဘာတိုင် မှီးမယ်ပလေး။


စာဆိုရှိင် စလေဦးပုည

ရှင်မဟာရဌသာရ ဆုံးမစာများ

ရှင်မဟာရဌသာရ ဆုံးမစာများ

၁။ လက်သစ်တောင်သာ၊ 
    ယူဇနာပေါင်း၊
    တာပြန်လောင်းသော်

    ရှစ်သောင်းလေးထောင်၊
    အမြင့်ဆောင်သည့် တောင်မြင့်မိုရ်ရှိ၊
    ဂုဏ်ကြီးဘိသည့်၊
    မွေးမိဖခင်၊
    ကျေးဇူးရှင်နှင့်၊
    ထို့ပြင်တခြား၊
    ဘိုးနှင့်ဘွားကို၊
    ဘုရားတစ်ဆူ၊
    ဂူတစ်လုံးသွင်၊
    စိတ်ထင်ကလျက်၊
    ဦးတင်လက်ထား၊
    အစားအ၀တ်၊
    မလွတ်ရစေ၊
    ရေပူရေအေး၊
    လိုရာပေး၍၊
    ကျွေးမွေးကြလေ၊
    တထွေမှတ်သား၊
    အခါးအချို၊
    သူတို့ဆိုလည်း၊
    ဘိုးဘွားမိဘ၊
    ဆရာစကား၊
    ပြသဆိုထွေ၊
    မျိုတတ်စေ။


၂။ အစ်ကိုကြီးအား၊
    ညီငယ်များလည်း၊
    စကားနှစ်သက်၊
    ဖက်၍မဆို၊
    ရိုသေလှစေ၊
    ကိုကြီးအစ်မ၊
    သည်နှစ်ဝကို၊
    မိဘကဲ့သို့မှတ်ပါလေ။


၃။ သေတူရှင်ဖက်၊
    ဆောင်ရွက်မကင်း၊
    အချင်းချင်းတွင်၊
    အခင်းကြီးငယ်၊
    ရှိခါဝယ်လည်း၊
    မဖယ်မသွေ၊
    ညီညာကုန်း၍၊
    ရုန်းကြလေ။


၎။ တစ်ယောက်စကား၊
    တစ်ယောက်နားမှာ၊
    မခါးရအောင်၊
    သတိဆောင်၍၊
    မောင်တို့ဆိုလေ၊
    ပျားသကာသို့ ချိုလှစေ။


၅။ မတွေ့ခိုက်ရန်၊
    မကျူးလွန်နှင့်၊
    မျက်မာန်ဒေါသ၊
    မထွက်ရအောင်၊
    မာန်မာနကို ချုပ်ကြလေ။


၆။ သေနှင့်အရက်၊
    စီးပွားပျက်ကို၊
    တစ်စက်ကယ်မှ၊
    မသောက်ကြနှင့်၊
    ရှောင်ကြပါလေ၊
    ရှင်တော်ဟောသည့် အဆိပ်ရေ။


၇။ ကိုယ်နှင့်လည်းစာ၊
    သတ္တ၀ါကို၊
    ကြင်နာလှစေ၊
    သူ့အသက်ကို ချစ်ပါလေ။


၈။ နောင်သံသရာ၊
    ရိက္ခာအတူ၊
    ကံကျွေးဟူသည်၊
    အလှူဆိုက၊
    မဆုတ်ကြနှင့်၊
    ရဲလှပါစေ၊
    တံစက်အောက်တွင်၊
    ခံသောက်အိုးတန်၊
    ကျဖန်များက၊
    ပြည့်ငြားသည်သာ၊
    ထုံးဟောင်းစာကို ထောက်ပါလေ။


၉။ သူ၏စီးပွား၊
    ငါ့စီးပွားကို၊
    ထောက်ထားမိစေ၊
    ကြီးလောဘကို မျှတစေ။


၁၀။ ဟုတ်သောအကြံ၊
      မှန်သောအကျင့်၊
      သင့်သောအယူ၊
      ဖြူသောနှလုံး၊
      သူတော်ထုံးကို၊
      စွဲသုံးသောထွေ၊
      မှန်လှစေ။


၁၁။ မှတ်ဖွယ်ရာရာ၊
      ထိုထိုစာကို၊
      ရှာ၍မပြတ်၊
      အိမ်တွင်ဖတ်။


၁၂။ ဖတ်ပြန်သော်ကား၊
      ဖတ်ပြန်များက၊
      သားမယားပင်၊
      သိမြင်ကင်းကွာ၊
      မလိမ္မာလည်း၊
      စာပေစကား၊
      နေ့တိုင်းကြားက၊
      ထူးခြားလိမ္မာ၊
      ရှိသည်သာတည်း။


၁၃။ အသုံးအဆောင်၊
      အိမ်ထောင်ခမ်းနား၊
      အပါးပါးကို ပြန့်ပွားလေအောင်၊
      ကြောင်ပုစွန်စား၊
      ကျွတ်ကျွတ်ဝါးသို့၊
      ယောက်ျားပီထွေ၊
      ၀ီရိယနှင့်၊
      လုံ့လကိုလည်း ရှိလှစေ။

ရှင်မဟာရဌသာရ

ဘ၀နှင့် အလှ (မောင်စွမ်းရည်)

မြင်မြင်သမျှ

ဤလောကတွင်၊ အလှတို့ဖြင့် ပြည့်ဘိ၏။

မြင်မြင်သမျှ၊ ဤလောက၀ယ်

အလှတို့ဖြင့်၊ ခြယ်သဖြင့်လည်း

မြင်ခွင့်ရှိမှ၊ မြင်စွမ်းရသည်

အလှဟူငြား၊ မြင်သည်ထားဦး

ခံစားသိတတ်၊ ခံယူတတ်မှ

ကျိုးမြတ်ပီတိ၊ ရင်ဝယ်ငြိ၏။

သြော်...

လူ့ဘုံလောကာ၊ ရခဲစွာကို

ရလှာခဏ၊ တစ်ဘ၀၀ယ်

အလှမမြင်၊ လှမမင်ဘဲ

မြင်ရန်မဖွေ၊ ဖွေရန်မသိ

ငါဖြစ်ဘိမူ၊ ငါ၏ဘ၀

ထိုခဏသည်၊ မည်မျှရှုံးလိုက်လေမည်နည်း။

(မောင်စွမ်းရည်)