တိုက်ပွဲပျော် ... သို့
ပုခက်ထဲက၊ အူဝဲဟစ်ကာစစ်ကြေငြာပြီး၊ လောကကြီး၏၊
ခါးသီးတွေ့ကြုံ၊ အလုံးစုံကို၊
မဖြုံအံခဲ၊ ပွဲဆက်နွှဲရင်း၊
လူလဲတော်တော် ကြီးခဲ့ပေါ့။
မိုက်လဲမိုက်လို့၊ တိုက်လဲတိုက်ခဲ့၊
ရှုံးလိုက်တာလဲ အသင်္ချေ။
ရဲလဲရဲလို့၊ နွှဲလည်း နွှဲခဲ့၊
နိုင်ပွဲတွေလဲ အနန္တ။
ဒီလိုပဲပေါ့၊
တိုက်ပွဲဆိုတာ၊ သာချင်သာမယ်၊
တိုက်ပွဲဆိုတာ၊ နာချင်နာမယ်၊
ဘယ်မှာ ခန့်မှန်းသိနိုင်မလဲ။
နာနာသာသာ၊ ဘာမှမဖြုံ၊
စိတ်လုံခြုံရင်၊
မတုန်မလန့်ဖျပ်ပါဘူး။
အဟုန်မတန့်ရပ်ပါဘူး။
ရှေ့ကဆီး၍၊
လမ်းခရီးထဲ၊ သစ်ပင်လှဲမလား။
ရှေ့ကကန့်၍၊
အဟန့်အတား၊ ဆူးတွေထားမလား။
ယောက်ျားဟေ့နော်၊
တိုက်ပွဲပျော်
ကျွန်တော်တိုက်ရင်း တက်မှာပဲ။
ဓနုဖြူ ကျော်ထွန်း (အီကြာကွေး)
No comments:
Post a Comment